Kjo është një kafshë shumë e pazakontë për t’u mbajtur me zinxhirë, veçanërisht kur bëhet fjalë për një këlysh.
Dhe këtë fakt fansat e Mozzik nuk e kanë marrë aspak mirë, edhe pse bëhej fjalë thjesht për një pozë artistike me qëllim promovimin e videoklipit apo këngës së tij të ardhshme. Reperi ka publikuar në Instagram foton ku po mban të lidhur pas vetes një këlysh ariu, i cili nuk duket shumë i lumtur për mënyrën se si po trajtohet. Menjëherë kanë reaguar fansat e tij në komente, të cilët duket se nuk e kanë vlerësuar aspak këtë gjest duke e konsideruar si mizori ndaj kafshëve. Në fund të ditës është thjesht një shfaqje, por sërish duket se ata nuk e kanë falur këtë herë Mozzikun. Komentet janë të shumta nëse kërkoni në faqen e Instagram të Mozzik, si dhe disa prej tyre janë të dukshme edhe në foton e mëposhtme.
