Aktorja Nebahat Çehre, ka njoftuar pensionimin e saj duke theksuar se nuk do të luajë më në filma dhe seriale.
“HaberTurk” raporton se aktorja veterane, e cila foli për gazetarët në daljen e një qendre tregtare në Stamboll, tha se “kam xhiruar 125 filma. Nuk dua më!” Pyetjes nëse vendimi i saj do të jetë i pakthyeshëm edhe ndaj “ofertave të parefuzueshme”, Çehre u përgjigj se “s’ka asgjë të parefuzueshme”. Gazeta turke “Gunes” raportoi disa javë më parë se ajo kishte probleme shëndetësore dhe se tashmë është kapluar nga frika e Alzheimerit. Raportimet u hodhën poshtë nga aktorja.
