Ai ishte ndër të parët politikanë që iu bashkua rrjetit social Instagram. Aktiviteti “artistik” i Edi Ramës; për shkak të fotove shumëngjyrëshe, këndit dhe ripunimit të tyre me ‘photoshop’, pati goxha sukses. Ndjekësit u shtuan dhe po ashtu, ai nisi të ndjekë disa personazhe. Disa prej tyre ishin; “Nga 15, një është ish-fotografja e tij Jutta Benzenberg, një është vetë llogaria e Instagram-it, një është i biri, Greg, pesë të tjera janë personazhe ndërkombëtare shumë të njohur si Barack Obama, fotografi i Shtëpisë së Bardhë, Pete Souza, Hillary Clinton, apo më pak të famshëm si një artizane njujorkeze dhe një arkitekte meksikane.
Ndërsa nga shqiptarët ndjek politikanët e partisë së tij me emrin Erion, Veliaj dhe Braçe, një drejtorëshë kabineti në Ministrinë e Çështjeve Vendore, botuesen Arlinda Dudaj, dy aktorë, Gent Hazizi dhe Florian Binaj dhe një prezantuese. Arbana Osmani!” – shkruan revista “Class” në maj 2016.
Më pas, listës së tij të kufizuar iu shtuan dhe vajza nga martesa e parë e bashkëshortes aktuale Linda Rama, Rea Xhillari dhe i biri nga marrëdhënia e parë me aktoren Matilda Makoçi, Greg.
Nuk kaluan shumë kohë dhe Edi Rama i bëri “unfollow” emrave të mësipërm, duke lënë në listë vetëm të birin, Gregun.
Numrat e ndjekësve të tij rriteshin, kurse të atyre që Rama ndiqte, tkurreshin. Deri sa, akti më i fundit që kryeministri ka ndërmarrë, është zhdukja nga lista e “following” edhe e vetë të birit, Greg Rama.
Në këtë mënyrë, Edi Rama ka preferuar të mos ndjekë asnjë duke e lënë me zero following llogarinë e tij në IG. Nuk dihet arsyeja e kësaj “vetmie”. Por një gjë është e sigurtë, që këtë e ka kërkuar vetë, përderi sa nëpër intervista ka rrëfyer se me rrjetet sociale merret personalisht.
