Leonardo DiCaprio ka vendosur të heqë dorë nga Oscar i Marlon Brandos, që i ishte dhuruar nga shtëpia e produksionit ‘Red Granite’ në 2013 për filmin ‘The Wolf of Wall Street’.
Kjo për shkak se kompania ka përfunduar në qendër të një skandali financiar dhe aktori ka marrë vendimi menjëherë të distancohet dhe të dorëzojë statujën e çmuar. Aktori kishte pranuar dhurata të ndryshme për t'i shitur në një ankand bamirësie, por që sipas hetimeve këto dhurata janë blerë me para të pastruara.‘DiCaprio ka filluar t’i dorëzojë këto dhurata, të pranuara prej tij, të cilat aktori do t’i shiste në ankandin vjetor për bamirësi, në favor të fondacionit të tij’, thuhet në deklaratë.
