Ka marrë fund tashmë historia 17-vjeçare e dashurisë së këngëtares Jonida Maliqi. E përfolur prej disa kohësh për ndarjen, vetëm tani ajo është zyrtare, pasi Jonida dhe bashkëshorti i saj Gent Prizreni kanë nisur procesin e divorcit.
Çifti i është drejtuar gjykatës për zgjidhjen e martesës, proces për të cilin sipas “Who” po kujdeset Kastriot Gramshi, gjyqtar pranë Gjykatës së Tiranës.
Divorci mes tyre ka kohë që përflitet dhe prej disa muajsh çifti nuk jetojnë më sëbashku, por deri tani askush prej tyre nuk e kishte konfirmuar lajmin e ndarjes dhe vetëm tani vendosën ta bëjnë atë zyrtar.
E kontaktuar nga “Revista Who”, këngëtarja me stilin unik ka refuzuar në mënyrë kategorike të bëjë komente.
Të dashuruar prej vitesh, Jonida dhe Genti u martuan rreth 10 vite më parë, ndërsa janë bërë edhe prindër të një djali, të quajtur Dan. Këngëtarja i është përkushtuar plotësisht vogëlushit, ndërsa për jetën e saj private ka qenë gjithmonë e rezervuar.
