Sukseset e Vin Diesel janë vlerësuar në të gjithë botën, duke e bërë personazhin e tretë më të ndjekur në “Facebook”, pas Cristiano Ronaldos dhe Shakirës.
101 milionë ndjekësit e tij festojnë sot 50-vjetorin e aktorit, i quajtur shumë herë si “njeriu i mijëra fytyrave”.
Jo të gjithë e dinë që Vin ka një vëlla binjak dhe që nuk e ka njohur kurrë babanë biologjik. Ka në fakt një raport shumë të mirë me babanë adoptues, Irving Vincent, i pari që e çoi në rrugën drejt recitimit.
Filloi të luajë në teatër thuajse rastësisht, por ajo eksperiencë i pëlqeu shumë dhe që atëherë u zbavit duke interpretuar personazhe të çdo lloji, nga ushtari Caparzo në kryeveprën e Steven Spielberg te “Riddick”, nga anëtari i një klani mafioz Giacomo DiNorscio te roli i dados në “Missione Tata”.
Pas shumë filmave aksion, aktori vendosi të recitojë në komedi për t’i bërë qejfin gjyshes, e cila ishte e shqetësuar pasi nipi i saj po ndërtonte reputacionin e një djali jo të mirë.
Dashuria për familjen ka qenë gjithmonë një vlerë e fortë në jetën e Vin dhe pikërisht të afërmve të tij i janë kushtuar shumë postime që shfaqen më faqen e tij sociale.
Por, kinemaja dhe familja nuk janë pasionet e vetme të yllit, që përveç një shtëpie prodhimi ka edhe një regjistrimi dhe ka themeluar një shoqëri të videolojërave.
Pasioni për lojërat e ka çuar të shkruajë parathënien e librit për 30-vjetorin e “Dungeons & Dragons”.
