Pas divorcit me bashkëshortin e saj, Brad Pitt pas 12 vitesh bashkë, Angelina Jolie zbuloi se nuk e ka përballuar mirë këtë situatë. Ajo u shpreh se vuan nga dy shqetësime shëndetësore si pasojë e vitit të vështirë që kaloi.
Në një intervistë për “Vanity Fair”, Angelina ka rrëfyer problemin e saj shëndetësor. Paraliza në njërën anë të fytyrës, e quajtur paraliza Bell. Ajo ka treguar më tej se stresi është shkaku kryesor që fshihet pas këtij problemi. 42 vjeçarja është diagnostikuar edhe me tension të lartë gjaku.
“Ndihem më shumë femër, sepse jam treguar e zgjuar për zgjedhjet e mia, kam vendosur familjen në plan të parë dhe kam në dorë jetën dhe shëndetin tim”, shpjegoi ajo për publikun.
“Mendoj që kjo e bën një femër të ndihet e plotë. Ndonjëherë femrat në familje vendosin veten të fundit derisa kjo gjë manifestohet në shëndet”, është shprehur ajo.
Duke folur në lidhje me divorcin e saj nga Brad Pitt, ajo thotë se çifti ende kujdeset për njëri-tjetrin dhe për familjen e tyre dhe janë “të dy duke punuar drejt të njëjtit qëllim”.
Aktorja tregon se ajo shpesh shqetësohej për nënën e saj dhe nuk dëshiron që fëmijët e saj të shqetësohen për të.
“Mendoj se është shumë e rëndësishme të bërtasësh në dush dhe jo para tyre”, tha ajo. “Ata duhet të dinë se gjithçka do të jetë në rregull edhe kur nuk jeni të sigurt për këtë”.
