Për Noizy-n nuk ka qenë shumë i lehtë suksesi pasi ai s’ka patur gjë gati por e arriti me shumë sakrificë dhe punë.
Të paktën kështu shprehet ai, duke theksuar se që të arrish diku, duhet krijuar rruga. Reperi ka publikuar një shkrim bashkangjitur një fotoje në Instagram ku ka dhënë një “leksion” falas se si krijohet rruga drejt suksesit. “Të arrish diku, duhet krijuar rruga. Të ngjitesh lart, në fillim duhen ndërtuar shkallët. Për shkallë duhet drurë i prerë, duhen gozhda dhe metër. Për ti blerë këto paisje duhet sakrificë, punë; dhe pse fitimet mbase nuk janë shumë të mëdha, por duhet bërë për të krijuar shkallët. Kështu fillohet suksesi. Njerëzit mendojnë për finalen pa ditur se si niset. Në fillim kam punuar shumë pa mundësi, "Shumë net pa gjumë" Pastaj kam krijuar mundësite dhe idetë më janë zhvilluar gjatë rrugës.”, shkruan Noizy.
