Grupi “Coldplay” nisi turin në Amerikën e veriut me një koncert në “MetLife Stadium” të East Rutherford, në New Jersey.
Përveç sukseseve të tyre më të njohura, grupi britanik i bëri homazh edhe Chester Bennington, këngëtarit të “Linkin Park”, që ndërroi jetë në 20 korrik 2017.
I ulur në piano, Chris Martin interpretoi një kover të “Crawling”, një nga këngët e albumit “Hybrid Theory”, të cilën Chester dhe grupi i tij i prezantuan publikut ne vitit 2000.
Kujtimi i “Coldplay” krijoi një atmosferë pothuajse joreale në stadium, ku për një moment nostalgjia dhe emocioni mallëngjyen të gjithë.
