Këto fotografi të postuara më poshtë, tregojnë kampin nazist të vdekjes, ku Adolf Hiterli kishte dërguar armiqtë e tij më të urryer – që të punojnë deri sa të vdisnin.
Mauthausen ishte një nga kampet më të mëdha gjatë Luftës së Dytë Botërore. Ky kamp famëkeq ndryshe njihej si “Shkallët e Vdekjes”, transmeton Telegrafi.
Të burgosurit detyroheshin të ngjiteshin në 186 shkallë duke bartur blloka të betonit që peshonin 50 kilogramë.
Kampi ishte i vendosur në Linz të Austrisë.
Të burgosurit e lodhur shpesh rrëzoheshin, ndërsa bllokat e betonit që i bartnin krijonin efektin domino duke u rënë mbi kokë të të burgosurve tjerë që ngjiteshin.
Të burgosurit vdisnin çdo ditë në këto shkallë.
Nëse ndonjëri prej tyre arrinte të ngjitej në majë, rojet e SS-ve i rreshtonin dhe i kushtëzonin me pushkatim ose me rrëzimin e kolegëve të tyre që tentonin të ngjiteshin këtyre shkallëve.
Shumë prej tyre zgjidhnin vetëvrasjen.
Këtë kamp Hitleri e shfrytëzonte për t’i dërguar armiqtë e tij më të mëdhenj politik drejt vdekjes, ndaj nga nazistët quhej “mulliri i kockave”.
Sot kampi “Shkallët e Vdekjes” është pjesë e një muzeu pranë memorialit të Mauthausenit.
Luftëtari francez Christian Bernadac ka shkruar një libër të titulluar “186 shkallët”, pasi edhe vetë kishte qenë i burgosur në këtë kamp.
“Sot, ata që vizitojnë Nauthausenin, nuk i shohin gjërat e njëjta, sepse që nga ajo kohë shkallët kanë marrë formë tjetër dhe janë përforcuar me beton”, ka shkruar Bernadac. /Telegrafi/
