Shefja e LSI-së, Monika Kryemadhi ka sulmuar me një gjuhë të ashpër mënyrën se si e intervistoi gazetari Arian Çani, kryeministrin Edi Rama. Kryemadhi jo vetëm ka hedhur dyshimet se intervista ishte e parapërgatitur, por ajo ka shkuar edhe më tej duke hamendësuar se si pyetjet dhe përgjigjet ishin hartuar nga oligarkët klientë besnikë të kryeministrit, duke kuptuar me këtë drejtorin e TV Klan Frangaj.
“Edi Rama u shfaq mbrëmë në provën gjenerale të rolit të Lolos. Me pyetje dhe përgjigje të gatuara në kuzhinat e oligarkëve, klientëve të tij besnikë që të tillë kanë qenë pranë çdo kryeministri” - ka shkruar ajo.
Por pavarësisht se ky është opinion i saj Kryemadhi nuk mund të harrojë se tek i njëjti emision kanë dalë edhe Berisha, Basha madje edhe burri i saj Ilir Meta. Mos vallë edhe ata kanë qenë me pyetje të parapërgatitura?
I pyetur për deklaratën e Kryemadhit për pyetjet e Çanit në emisionin “Zonë e lirë”, Drejtori i Përgjithshëm i Tv Klan, Aleksandër Frangaj tha se “Monika i di të gjithë si vetja”. ©Lapsi.al
