Pas publikimit të dokumentave të vdekjes së presidentit amerikan John Fitzgerald Kennedy, një tjetër dosje e bërë publike nga CIA hap një skenar të ri për një prej vdekjeve më të diskutuara të historisë. Adolf Hitler nuk u vra në bunkerin e tij në Berlin dhe madje është raportuar se jetonte në Kolumbi në mesin e viteve 50 nga një agjent i shërbimeve sekrete amerikane.
Kjo është përmbajtja e një dokumenti të publikuar nga mediat amerikane. Agjenti emri i koduar i të cilit është “Cimleody-3” ishte kontaktuar nga një mik i tij i cili i kishte rrëfyer prezencën e diktatorit gjerman në Amerikën e Jugut.
Në dokumentin zyrtar të publikuar në faqen e CIA-s shkruhet: “Miku i “Cimelody-3” ka konfirmuar se në shtator të vitit 1955, Phillip Citroen, ish-zyrtar gjerman i ka thënë në mënyrë konfidenciale se Hitler ishte ende gjallë”, - citon lapsi.al.
Për ta bërë këtë edhe më të besueshme ai kishte dërguar në zyrat qendrore të CIA-s edhe një foto bashkë me dokumentet. Fotoja tregon dy persona: në të majtë është Citroen ndërsa në të djathtë një tjetër që i ngjan Hitlerit. Pas fotos shkruhet: “Adolf Schrittelmayor, Tunga, Colombia, America del Sud, 1954″.
Nga ana tjetër mbetjet e trupit të Adolf Hitler dhe Eva Braun nuk janë gjetur kurrë. Sovjetikët gjithmonë kanë garantuar se kufomat u dogjën pas vetëvrasjes. Në SHBA pati gjithmonë dyshime sidomos pasi shkencëtari Nick Bellantoni, nga Universiteti i Konektikatit analizoi një pjesë të kafkës që mbahej nga rusët. Sipas analizave ajo mbetje trupore me shumë mundësi nuk i përkiste Hitlerit, por një gruaje të moshës nga 20 në 40 vjeç. ©LAPSI.al
