Si çdo vit, më 29 nëntor, nata do të bëhet ditë.
Bashkia ka ftuar një artist ndërkombëtar që të performojë për publikun në sheshin Skënderbej. Këtë vit bëhet fjalë për Emeli Sande. Erion Veliaj njoftoi në profilin e tij në Facebook se këngëtarja britanike do të vijë në Tiranë për koncertin e madh të Natës së Bardhë në Sheshin Skënderbej. Emeli Sande nuk është e panjohur për publikun shqiptar. Ajo u bë e famshme fillimisht me këngën “Heaven”, publikuar gjashtë vite më parë. “Heaven” arriti vendin e parë në disa klasifikime britanike dhe i hapi rrugë bashkëpunimeve me Professor Green dhe Labirinth.
