Victoria’s Secret prezantoi më në fund “Fantasy Bra”- sutjenin e fantazisë,një prej elementeve më të shumëpritur të sfilatës së përvitshme të markës së famshme.
Si çdo vit, priti deri në nëntor për të na zbuluar sutjenin më të shtrenjtë në botë dhe ëngjëllin që do të sfilojë me të në spektaklin më të madh të modës, që këtë vit mbahet në Shanghai, Kinë. Ishte fati i modeles braziliane Lais Ribeiro, e cila është përveçse e bekuar me një fëmijë, edhe me një trup të mrekullueshem. “Vogue” e prezantoi sutjenin magjik përmes një videoje ku shfaqet Lais e veshur me të brendshmet e çmuara të qepura posaçërisht për trupin e saj. Vlera e Fantasy Bra-së është 2 milion dollarë.
