Aktorja e njohur turke, Hazar Erguçlu, pak kohë më parë, ka shkruar një status në profilet e saj sociale duke ndarë me publikun keqardhjen për një dokumentar të organizatës terroriste PKK.
Por publikimi në Twitter mund t’i kishte kushtuar shumë 25-vjeçares së njohur për rolin e Simay në serialin “Kuzey Guney”. Sipas mediave turke, prokuroria ka marrë më në fund vendimin për ta pushuar çështjen kundër aktores, pasi dëgjoi edhe argumentet e saj bindëse. Siç shkruan Hurriyet, Erguçlu mbrojti idenë se dy vjet më parë, ajo kishte postuar në profilin e saj një dokumetar që i ishte dërguar nga një ndjekës dhe qëllimi ishte për të mbështetur të rinjtë e talentuar.
Ajo tha se ishte e gabuar shpërndarja e dokumentarit pa e ditur se cila ishte përmbajtja e tij, megjithatë argumentoi se kur e kishte mësuar për çfarë bëhej fjalë, e kishte fshirë. “Më vjen vërtet keq që mbështetja që doja të jepja pati një përfundim të tillë”,- mësohet të ketë thënë aktorja në gjyq duke shtuar se nuk ka qenë asnjëherë mbështetëse e diçkaje pa dashuri.Shpërndarja me përmbajtje propaganduese e çdo materiali nga Organizata e Punëtorëve të Kurdistanit, PKK, vlerësohet si krim në Turqi, edhe për faktin se prej shumë dekadash, ushtria turke po përballet me rebelët kurdë. 25-vjeçare ka kërkuar ndjesë për këtë gjest të saj të pavetëdijshëm që për pak mund t’i kushtonte disa vite burg.
