Lulzim Basha e përshkroi sallën e parlamentit si një kupolë të krimit, ku qëndrojnë sipas radhës Gramoz Ruçi, Edi Rama dhe me radhë Fatmir Xhafaj, Saimir Tahiri dhe të tjerë.
“Në vend të një forumi ku bëhen ligje, kjo sallë i ngjet një kupole të krimit. Në krye të sallë qëndron një kryetar kuvendi që partnerët strategjikë e e përkufizojnë si me lidhje të hershme me trafikantët e drogës. Në vend të jetë baba i ligjeve, ai është baba i drogës. Në karrigen para tij, arkitekti i trafikut të drogës. Poshtë në sallë një ish Ministër i Brendshëm që e ktheu policinë në prapavijë të organizatave kriminale. Vendin e tij, e ka zënë vëllai i një prej organizatave më të rrezikshme të drogës. Më tej është edhe ministri që e ktheu Beratin nga një qytet i UNESCO-s në qytet të organizatave kriminale. Mbi këtë sallë qëndrojnë hijet e Habilajve, Balilajve dhe Shullazit” u shpreh Basha.
