Gigi Hadid u revoltua tejmase ndaj një përdorueseje të Twitter-it, pasi kjo e fundit kishte bërë një postim ku shante muslimanët.
Gazetarja Laura Loomer postoi në Twitter foton e dy vajzave me shami ndërsa kalonin rrugën duke shkruar: “Muslimanët dalin tërë forcë në vendin në New York ku ndodhi sulmi nga ISIS-i sot, duke na e përplasur të gjithëve në fytyrë. Duke ecur si pa të keq me hixhab.”Nuk e la me kaq. Loomer vazhdoi me një tjetër postim: “Mund të mendosh se do tregojnë mirësinë të mos sorrollaten me hixhabe në rrugën ku ndodhi sulmi. Por jo. Me bast që po e shijojnë në maksimum.” Gigi Hadid, vajza e Mohamad Hadid, është rritur në një familje islame. Përgjigja e modeles ndaj cënimit të të drejtave të barabarta të njeriut qe e prerë: “Laura, e urrej faktin që po të jap vëmendje, por duhet të ta them: je një kokrra e trapes.” Si Gigi, ashtu edhe e motra Bella Hadid janë rritur të dyja me frymën e islamizmit dhe kjo sigurisht, përkundër klisheve që ekzistojnë për këtë fe, s’i ka penguar të bëhen dy prej modeleve më të paguara në botë.
