Biznesmeni Sota i arrestuar nga Policia e Elbasanit me 800 mijë euro në makinë dhe dy patenta për drejtim skafi në emër të Saimir Tahirit ka folur në polici.
Ai ka rrëfyer se paratë ishin të babait të tij për një pagesë. Në lidhje me dy patentat e Tahirit, biznesmeni ka thënë se i kishte harruar shoferi i tij, që ishte mik me të.
“Paratë ishin të babait tim për një pagesë për blerje hekuri në Elbasan. Ndërsa për sa iu përket patentave në emrin e ish-ministrit, ato i harroi shoferi i tij, që është mik i imi. Ne lëvizim shpesh bashkë”, ka rrëfyer biznesmeni, shkruan “BalkanWeb”.
Lapsi.al sjell ekskluzivisht foton e patentave të Saimir Tahirit, ish-Ministër i Brendshëm, i akuzuar për trafik droge nga Prokuroria e Krimeve të Rënda.
