Kreu i PD-së Lulzim Basha përmes një postimi në facebook është marrë me çështjen e patentës për jaht të Tahirit. Basha ka deklaruar sot se 800 mijë euro të gjetura në makinën e biznesmenit të arrestuar në Elbasan janë të ish-ministrit të Brendshëm Saimir Tahiri, ashtu si edhe dy patentat për mjetet lundruese.
Basha shkruan sot se njëri prej këtyre mjeteve lundruese u zhvendos nga porti i Durrësit me 19 tetor, dy ditë pasi dolën përgjimet e Habilajve. Ai thotë se patentat ishin për për drejtim mjetesh lundrimi të tonazhit 20 deri 100 ton.
Sipas Bashës:
Burime të sigurta informojnë se:
- E gjithë shuma prej 800 mijë euro është e Sajmir Tahirit, ashtu si dy patentat për drejtim mjetesh lundrimi të tonazhit 20 deri 100 ton.
- Njëri prej këtyre mjeteve lundruese u zhvendos nga porti i Durrësit me 19 tetor, dy ditë pasi dolën përgjimet e Habilajve.
- Orest Sota ka mohuar njohjen me Tahirin ndërkohë që rezulton se me këtë makinë kanë lëvizur disa herë jashtë shtetit bashkë.
- Me urdhër të Çakos dhe Fatmir Xhafës dhe me porosi të Edi Ramës është fshehur nga njoftimi paraprak i policisë, shuma e parave dhe kapja e dy lejeve të drejtimit për mjete lundruese 20 dhe 100 ton, në emër të Sajmir Tahirit.
