Që nga dita kur një patrullë policie ndaloi Orest Sotën me 863 mijë euro të fshehura në makinë dhe me patentat e e Saimir Tahirit dhe të gruas së tij, një sërë alibish janë servirur në mbrojtje të biznesmenit 25 vjeçar.
Është thënë se ai ishte dërguar për të bërë një pagesë për blerje hekuri pranë kompanisë “Kurum”, se ato ishin paratë e lefter Sotës, babait të të ndaluarit dhe njërit prej biznesmenëve të mëdhenj të ndërtimit. Se pagesa do përdorej si kapar-garanci për që do blihej etj.
Por që ky version i fakteve të qëndrojë duhen kapërcyer gjithë ato pengesa logjike. E para se kompania Kurum, nuk operon kurë me shuma të tilla parash kesh dhe ajo e ka bërë të ditur këtë gjë. E dyta se ligji shqiptar nuk të lejon të bësh pagesa me para në dorë në një shifër më të madhe se 1.5 milionë lekë. E treta se Kurumi thuhet se është në vështirësi financiare dhe se ka shpallur falimentimin ngaqë nuk shlyen dot bankat. Pa nëse atij i duheshin para ato i duheshin nëmënyrë të ligjshme për ti future në system të deklaruar dhe për të shlyer bankat. E katërta se Kurumi është një kompani e madhe, jo një biznes i vogël familjar dhe se askush nga punonjësit nuk mund të marrë përsipër të punojë në mënyrë të paligjshme. E pesta se ndalimi nga policia ka ndodhur pasdite, pas përfundimit të orarit të punës, ku zakonisht kompanitë e mëdha i kanë dërguar njerzit në shtëpi dhe i kanë mbyllur kasaforatat.
Të gjitha këto pengesa logjike i shtojnë dyshimet se paratë do përdoreshin për qëllimet që pretendojnë njerzit pranë të ndaluarit. Me shumë ato shtojnë dyshimet se në këtë hstori më para cash dhe me patenta të kapura rastësisht, fshihet diçka më e madhe.
©Lapsi.al
