Se si ia doli Emiliano Shullazi të mbarojë punë në hipotekën e Durrësit për regjistrimin e Hotel Vollgës, mbetet ende mister.
Drejtuesit e hipotekës janë distancuar nga bashkëpunimi me të fortin që sot gjenden pas hekurave për disa akuza të rënda.
U distancua edhe ish drejtoresha juridike e Hipotekës së Durrësit e cila kur u regjistrua hotel Vollga, ishte me pushime.
“Procedura e regjistrimit të ish-hotel “Vollgës” është bërë kur unë isha me pushime. Këtë e mësova më vonë, pasi pala tjetër që pretendonte pronësinë kishte bërë një ankim për regjistrimin” ka thënë në gjykatë Merita Qato.
Për Hotel Vollgën ka pasur një konflikt mes ish pronarëve, që u zgjidh shpejt kur një prej palëve u lidh me Emiljano Shullazin.
