Nënkryetari i LSI-së, Luan Rama u shpreh se Donald Lu sot përmendi 4 ushtarë krimi në politikë dhe jo atë që i mori emrat e krimit dhe i bëri politikanë.
Reagimi i Luan Ramës në Facebook vjen pas fjalës që mbajti sot Donald Lu në prezantimin e projektit “Forca e ligjit”, ku përfaqësuesi amerikan përmendi Arben Ndokën, Elvis Rroshin, Gentian Muhametin dhe Arben Frrokun si ‘peshq të mëdhenj’.
Në përfundim të postimit të tij Luan Rama shtron pyetjen:
‘Kush nuk e di që pas atyre emrave që përmendi ambasadori i nderuar nuk është kumbar kryeministri ynë?!’.
REAGIMI I LUAN RAMËS:
Ambasadori i Shteteve të Bashkuara të Amerikës në Tiranë Donald Lu, duke folur sot në prezantimin e projektit “Forca e ligjit” në Ministrinë e Brendshme, përmendi edhe katër emra si shembullin e lidhjes së politikës me krimin!
Mirëpo ai përmendi vetëm katër nga emrat e ushtarëve të krimit, jo të shefit të tyre, të atij që i mori emrat e krimit dhe i bëri emra politikë! Kush nuk e di që pas atyre emrave që përmendi ambasadori i nderuar nuk është kumbar kryeministri ynë?!…
©LAPSI.AL
