Një listë me emrat e 10 prokurorëve dhe gjykatësve të dyshuar për korrupsion dhe fshehje të pasurisë është gati në Prokurorinë e Krimeve të Rënda. Report Tv ka publikuar një pjesë të dokumentit ku janë emrat e gjykatësve dhe prokurorëve që pritet t’i nënshtrohen kontrolleve dhe hetimit. Në të njëjtin dokument transmeton kjo media janë edhe emrat e njerëzve të drejtësisë të dyshuar, por në respekt të hetimeve, emrat nuk janë publikuar. Nga ajo që dallohet mes rreshtave në document, thuhet se hetimet kanë nisur në 9 muajt e fundit dhe deri tani numri i të dyshuarve është 10 vetë. I pari që ra pre e fushatës së kontrolleve të pasurisë ishte Shkëlqim Miri, të cilit iu gjetën 300 milion lekë në shtëpi.
