Ish-ministri i Drejtësisë, Ylli Manjani e cilëson Edi Ramën si kryemosmirënjohës, lidhur me akuzat që ky i fundit bëri ndaj Top Channel. Manjani shkruan në Twitter se ky televizon nuk po i bën asgjë Ramës, krahasur me opozitarizmin që i ka bërë Sali Berishës dhe Fatos Nanos.
Sipas Manjanit, po të ishte themeluesi i TCH, Dritan Hoxha gjallë, Rama do ishte rrëzuar tashmë nga pushteti.
“Top Channel nuk po i bën asgjë (krye)mosmirnjohësit që qeveris! Asgjë, krahasuar me ç’i bëri paraardhësve të tij (Nano e Berisha).
Më kot kërkon kohën e Tanit! Po të ishte gjallë Ai, mosmirënjohësi do ishte rrëzuar tashmë nga pushteti i pamerituar!
Nuk di më ç’thotë...” - shkruan Manjani në rrjetin social. /LAPSI.AL
