Kur banorët e Shkozës patën nevojë për deputeten e zonës, Elona Gjebrean dhe kryetarin e Bashkisë, Erion Veliajn se INUK po i shembte shtëpitë, njëra iu përgjigj nga studiot e televizioneve, ndërsa tjetri kishte fluturuar për në Shtetet e Bashkuara të Amerikës. Të dy u rikthyen tek kjo lagje për inaugurimin e tre rrugicave.
Fotot që u shpërndanë nga Bashkia e Tiranës këtë të hënë, tregojnë rrugët bosh të Shkozës. Askush nga banorët nuk doli nga shtëpia, të përshëndesë apo të falenderojë pak sekonda Erion Veliajn ose Elona Gjebrean, për rrugicat e reja.
Ndoshta sepse e kanë të freskët në memorie premtimet e fushates. Elona Gjebrea i premtoi legalizim të shtëpive në këmbim të votës për Partinë Socialiste. Sapo mbaruan zgjedhjet, në Shkozë u shfaqën fadromat e INUK-ut dhe deputetja e zonës nuk u duk nga ato anë. 
Për këto arsye, të vetmet duart që Veliaj dhe Gjebrea shtrënguan ishin ato të punëtorëve të kompanisë që bëri investimin.© Lapsi.al
