Pamjet e shfaqura në emisionit ‘Le Iene’ që tregojnë fëmijë të moshës 10-13 vjeç duke mbledhur krom në Bulqizë janë aktuale dhe të kohës. ‘Le Iene’ do të rikthehet në Shqipëri për të realizuar një reportazh tjetër, kësaj here për lidhjet e klaneve shqiptare të drogës me ato të Katanias në Itali.
Kështu është shprehur Taulant Kopliku, gazetar i ‘Le Iene’ në një lidhje në Skype për InTv. Kopliku deklaroi se janë mbledhur shumë materiale dhe informacione në lidhje me situatën e kanabisit që është krijuar mes dy vendeve.
“Kemi dokumenta!” – thotë ai. “Bëhet fjalë për trafiqe të mëdha droge mes dy shteteve, Shqipëri-Itali.”
Ai shtoi se ky reportazh ka nisur të planifikohet pas daljes së skandaleve në lidhje me drogën në Shqipëri.
Për më shumë ndiqni videon e mëposhtme:
