Ambasadori amerikan Donald Lu ka pasur një takim sot me Edi Ramën në zyrën e tij në kryeministri. Takimi vjen pas disa deklaratave të forta të ambasadorit që ka kërkuar arrestimin e “peshqve të mëdhenj” duke lënë edhe një janarin, si afat të arrestimit. Vetë Rama foli sot për goditjen e krimet në “katet e larta”, ndërsa një ditë më parë deklaroi se mendon ndryshe nga ambasadori amerikan për “4 klanet dhe 20 familjet kriminale që sundojnë Shqipërinë”. Prej dy javësh në Shqipëri kanë mbërritur agjentë të FBI, dhe të agjensive të tjera italiane dhe gjermane që do të drejtojnë operacionin kundër krimit të organizuar.
