Nga foltorja e kuvendit ditën e sotme, kreu i Partisë Demokratike, Lulzim Bash aka vazhduar akuzat ndaj kryeministrit Edi Rama. Basha tha se me buxhetin e vitit 2018 po dëmton ekonominë e vendit, dhe po favorizon klientët e tij.
Nga foltorja e Kuvendit, krye demokrati u ndal tek tre masat kryesore që sipas tij, kreu i qeverisë ka parashikuar në buxhetin e vitit të ardhshëm.
Sipas Bashës, me vendimin për faturat e TVSH-së, kryeministri Rama po përgatit koncesionin për vëllain e tij.
“Faza e dytë e projektit të tij është përdorimi i parave të drogës për të futur në dorë ekonominë publike dhe private duke shkrirë në një krimin, politikën dhe biznesin, legalizimi në ekonomi dhe politikë, i futi kancerin e trafikut të drogës dhe tani projekti është legalizimi i parave të drogës, ndaj sot ka banka pronarët e të cilëve fshihen në parajsa fiskale, sikur ka koncesione me pronarë të fshehur në parajsa fiskale, kontrata që mbahen sekret ndaj publikut. Sot, dje, pardje, ai u bënte thirrje bankave të bëhen pjesë e marrëzisë kriminale edhe pse mafia i vret bankierët në mes të qytetit për të pastruar paratë e krimit. Ashtu si bëri me kriminelët në politikë si bëri me kanabisin duke përqeshur, zgërdhirë e tallur ata që e denoncuan. Nëse në vend të denoncimit do të zgjedhim të qeshim si kërkon ky, kjo do të sjellë shkatërrim sot”- tha Basha.
