I ftuar në formatin televiziv ‘Kolaudim’ në In Tv Erion Braçe është shprehur se nuk është aspak dakord me kryeministrin e vendit sa i përket ofendimeve që ky i fundit i drejton ndaj gazetarëve.
Në lidhje më ofendimet e Ramës kundrejt gazetarëve, Braçe është shprehur në mënyrë kategorike kundër këtyre ofendimeve.
“Unë e quaj te papërshtatshme sjelljen e kryeministrit me punëtorët e medias. Punëtori i medias gjithmonë duhet të respektohet nga mëngjesi deri në darkë”, - është shprehur Braçe.
Ndërsa për ca pronarë mediash, Braçe shprehet se ata meritojnë çdo ofendim të mundshëm.
“Ka ca të tjerë pastaj që unë mendoj se meritojnë çdo sjellje dhe për ca pronare mediash që ndërhyjnë deri në politikën editoriale që për mua është vendimmarrje e një bordi gazetarësh”, - shtoi Braçe.
