Ministri i Brendshëm, Fatmir Xhafaj ka folur në Kuvend për operacionin ‘Forca e Ligjit’, përmes së cilit u godit një grup kriminal në Fier një ditë më parë. Sipas Xhafës janë skeduar edhe 4 grupe të tjera kriminale dhe pritet që ndaj tyre të veprohet menjëherë.
“Forca e Ligjit’ do të luftojë krimin e organizuar. Goditja e një prej 5 grupeve të skeduara në atë rajon do të vijojë. Jemi në fund të grumbullimit të të dhënave të grupeve kriminale, një data baze për personat e përfshirë në këtë biznes. Jam ulur në atë karrige jo për interesa e ambicie personale por për më shumë rend e siguri për t’u siguruar që reforma e re e drejtësisë do zbatohet për të qene të gjithë të barabartë përpara ligjit. Lufta kundër krimit është një sfidë e madhe për të gjithë ne. duhet ta fitojmë dhe do e fitojmë”., -tha Xhafaj.
