Pas publikimit të statusit të kunatit të Saimir Tahirit, ku ai shkruante se “Sot vdiq Toto Rina, njeri i nderit!”, vjen edhe reagimi i Alban Berishës, vetë kunatit të Tahirit.
Përmes një njoftimi sqarues në rrjetin social Facebook, Berisha shpjego se i kanë vjedhur telefonin, për pasojë edhe llogarinë e tij në facebook.
“Ju lutemi kush e ka gjetur telefonin dhe po e përdor në mënyrë të pandershme dhe të pandërgjegjshme facebookun tim, ju lutem ta dorëzoni sa më parë në rajonin e policisë më të afërt. Po më diskreditoni me këtë status që më keni bërë. Me respekt Alban Berisha”, - shkruan ai nga llogaria e mikut të tij.
