Në një takim me akademikët e Akademisë së Shkencave, Edi Rama ka folur për refuzimin për ta financuar këtë institucion që sipas tij ka nevojë për një reformim të thellë dhe rrënjesor. Rama kujtoi se Akademia u kriua si një xhevahir i dijes, por degradoi në një kufomë.
“Nuk patëm asnjë reagim që të na nxiste në këtë proces dhe të na përfshinte, ku humbëm, humbët më shumë se një vit me një inerci, që është ajo e kalbëzimit të vazhdueshëm të një institucioni që u krijua si xhevahiri më rrezatues i kurorës së dijes shqiptare dhe sot është burim pezmatimi permanent, brengë për të gjithë ata që e themeluan Akademinë e Shkencave dhe i dhanë shkëlqimin e autoritetit të tyre. Kjo situatë na ka shtyrë të cojmë para idenë e refuzimit për të financuar më tutje këtë institucion me paratë e taksapaguesve shqiptarë”- tha Rama.
