Këshilli Bashkiak i Tiranës ditën e sotme është shoqëruar me debate për futjen e dy pikave jashtë rendit të ditës. Kryebashkiaku Erion Veliaj në fjalën e tij falënderoi Leonard Ollin, i cili dha dorëheqjen nga kreu i këshilltarëve të Partisë Demokratike. Ky i fundit do të vijojë të jetë këshilltar i thjeshtë.
Teksa kreu i Bashkisë së Tiranës thoshte se këtë vit ishte marrë nota 9.9 për transparencë, në mesin e duartrokitjeve nga ana e këshilltarëve të Partisë Socialiste, janë dëgjuar edhe thirrjet “Parti Enver, jemi gati kurdoherë” nga këshilltarët e PD.
“Për budallallëqe e di unë që jeni gati kurdoherë, po puna është a jeni gati për ndonjë punë.” - iu përgjigj Veliaj.
