Të dielën që lamë pas ndërroi jetë kompozitori i njohur Aleksandër Lalo. Ai la pas një krijimtari të madhe artistike. Së fundmi ishte angazhuar në TV Klan në programin “C’est la vie” si pjesë e jurisë. Lajmi për vdekjen e Lalos u dha gjatë transmetimit të emisionit dhe ai menjëherë u ndërpre.
Burime nga produksioni bëjnë me dije për Opinion.al se organizatorët e këtij spektakli kanë marrë vendim për pozicionin e kompozitorit dhe karrigen e tij në juri. Ata kanë vendosur që karrigia e tij të mbetet bosh deri në fund të spektaklit, për të treguar se një artist si Lalo është i pazëvendësueshëm. Askush nuk do te zëvendësoje Aleksander Lalon.
Artisti i madh u nda nga jeta në moshën 68-vjeçare si pasojë e një ataku kardiak.
