Nga sot, për deputetin e LSI-së Luan Rama ka një arsye më shumë për të bërë opozitë kundër qeverisë. Vëllai i tij, Arsim Rama, është shkarkuar nga posti i drejtorit të Institutit të Sigurimeve Shoqërore të Tiranës. Këtë post, Arsim Rama e mbante prej 5 vitesh, por duket se fshesa Rilindjes në administratë nuk ka bërë asnjë dallim për eksperiencën ndër vite. Në të gjithë administratën, njerëz të LSI-së janë në shënjestër të largimeve nga puna. Që pas votës së 25 Qershorit, Edi Rama premtoi fundin e sistemit të "tepsisë", që sipas tij e ndante administratën në parcela për të kënaqur orekset e aleatëve. Në vend që t'i ndajnë me aleatët vendet e punës, socialistët kanë vendosur të emërojnë vetëm militantët e tyre kudo në administratë.© Lapsi.al
