Princ Harry dhe Meghan Markle kanë dalë para pak minutash për herë të parë para mediave për fotot dhe intervistën e fejesës. Për dekor kishin motin britanik dhe një oborr të vjetër, kopshti memorial i Diana-s, ndërsa u shfaqën shumë të afërt fizikisht dhe të qeshur gjatë gjithë minutave që qëndruan para kamerave.
Ai kishte veshur një kostum blu, ndërsa Meghan një pallto të bardhë me rrip dhe këpucë me taka. Flokë të lëshuar, pamje natyrale dhe një unazë shumë e bukur që gazetarët i kërkuan ta ekspozonte.
Ata iu përgjigjën me fjalë të zakonta pyetjeve të zakonshme që mund t'i bësh një çifti të dashuruar duke thënë që ishin të lumtur. Më shumë foli gjuha e tyre e trupit.
