Një banesë është përfshirë nga flakët në qytetin e Korçës. Gjatë natës, banesa në fshatin Leka është shkrumbuar e tëra. Policia njofton se edhe pse e pabanuar, sot gjatë kontrolli në shtëpinë e djegur, është gjetur një kufomë gjithashtu e djegur plotësisht.
Sipas autoriteteve, në afërsi të kufomës, janë gjetur disa sende dhe orendi personale (metalike), të cilat shërbenin për pirjen e duhanit dhe për ushqyerje. Në bazë të këtyre sendeve, dyshohet se kufoma mund të jetë e shtetasit I.Q. nga një fshat i Korçës, i cili nga deklaratat e marra banorëve të zonës, rezultonte me probleme mendore. Mendohet se ky shtetas kishte shkuar në këtë zonë, për të punuar.
