Edhe këtë ditë festë, ku përkujtohet ngritja e flamurit në vlorë dhe shpallja e shqipërisë së pavarur nuk kan ëmunguar ndasitë e ironitë mes kampeve politike. Sekretari i Përgjithshëm i Partisë Socialiste, Taulant Balla ironizon kryedemokratin Basha në ditën e 105-vjetorit të Pavarësisë.
Sipas tij, Basha ka ngatërruar datën e Pavarësisë me atë të Çlirimit, e shkoi sipas tij, në varrezat e dëshmorëve të Luftës Nacionalçlirimtare në Tiranë në vend që të shkonte tek varri i Ismail Qemalit në Vlorë.
“U zgjodh kryebashkiak duke ngatërruar kutitë. Pastaj kryetar i PD duke ngatërruar tërë partinë. Më pas ngatërroi e bëri lëmsh edhe listat e deputetëve. Më tej akoma e ngatërroi Partinë Demokratike me një burim parash të zeza në një ishull të Amerikës Jugore. Vazhdoi sot, duke ngatërruar Ditën e Çlirimit dhe shkuar tek varrezat e dëshmorëve të Luftës Nacionalçlirimtare në Tiranë, kur duhet të shkonte tek varri i Ismail Qemalit në Vlorë. Mbahuni miq demokratë se ngatërresat nuk kanë mbaruar dhe sinqerisht Gëzuar 105 vjetorin e Pavarësisë!
Gëzuar 28 dhe 29 nëntorin!” – shkruan Balla.
