Reshjet e dendura pothuajse në të gjithë Shqipërinë kanë shkaktuar përmbytje dhe probleme me qarkullimin e dhe në rajonin e juglindjes së vendit. Në Korçë vijojnë me intensitet reshjet, ndërsa paraqiten probleme në aksin Lozhan-Moglicë, pasi ka bllokim të rrugës herë pas here si pasojë e rrëshqitjes së gurëve dhe dherave.
Probleme ka edhe në aksin rrugor Bilisht-Kapshticë, ku ka pasur rrëshqitje gurësh, por pas ndërhyrjes ky aks është zhbllokuar. Maliqi dhe fshati Lekas vijojnë pa energji elektrike prej 7 orësh. Nga reshjet rrezikohet të përmbytet fusha e Maliqit e cila është pika me delikate në qarkun e Korçës.
Prefekti i Korçës Dhori Spirollari ka thënë se strukturat janë në gatishmëri të plotë. Në Pogradec situata paraqitet normale.
