Në vizitën e tij në Fier për të monitoruar situatën e rënduar nga përmbytjet, Edi Rama gjeti një moment të përfshijë edhe politikën duke falenderuar Lulzim Bashën që shprehu mirëkuptimin për të ndërprerë seancën në Parlament, ku po diskutohej buxheti i vitit të ardhshëm dhe paketa fiskale.
“Dua te falenderoj Lulzim Bashën që dje ka shprehur mirëkuptimin për të ndërprerë diskutimet që ishin në rendin e ditës për buxhetin nga ana e opozitës dhe për të na dhënë mundësinë të mbyllim seancën në një kohë të arsyeshme që të ishim në krye të dëryrës.”
Pavarësisht se disa nga akset kryesore të vendit janë bllokuar, makina janë zhytur në ujë, dhe banesat janë përmbytur, Edi Rama u shpreh në Fier se shteti është në gatishmërinë më maksimale se kurrë më parë.
“Kemi gatishmërinë më maksimale se asnjëherë tjetër se kemi nxjerrë dhe mësime të së shkuarës por edhe kalimi i Emergjencave Cilvile në varësinë e Ministrisë së Mbrojtjes ka përfitueshmërinë e vet.”
Rama e shet si të pamundur parandalimin e këtyre përmbytjeve edhe pse situata, sipas tij, ishte e paralajmëruar.
©LAPSI.AL
