Ministrja e Mbrojtjes, Olta Xhaçka i kërkoi banorëve që rrezikohen nga përmbytjet të largohen nga shtëpitë e tyre.
Deklarata e Xhaçkës vjen pas një nate të vështirë për Forcat e Armatosura, të cilat mundën të evakuojnë 315 mbrëmjen e djeshme. Situata sot pritet të rëndohet, kryesisht në jug të vendit. Vjosa ka filluar të dalë nga shtrati.
“Po merren masa për menaxhimin e situatës në basenet ne Vjosë, Shkumbin dhe Seman. I bëj thirrje të gjithë banorëve të prekur të largohen menjëherë nga banesat dhe të bashkëpunojnë me FA dhe strukturat e emergjencës”- tha ministrja, duke shtuar: “Ju lutem bashkëpunoni për te garantuar sigurinë e jetës per secilin prej jush”.
