Përmbytjet e shumta dy ditët e fundit kanë detyruar edhe kryeministin Rama të dalë në terren, ai ka zbritur në terren për të inspektuar zonat e përmbytura në qytete të ndryshme.
Dje në drekë, kreu i qeverisë ishte i pranishëm në një zonë problematike si Ura e Mifolit në qytetin e Vlorës.
Ndërsa sot, ai vizitoi fshatin e Ferrasit në Fier, ku në orët e mëngjesit Forcat e Armatosura evakuan 20 banorë për të shmangur ndonjë rrezik të mundshëm. Vlora dhe Fieri janë dy zona të prekura masivisht nga përmbytjet për shkak të prurjeve të lumit Vjosa.
Ndërkohë kryeministri ka siguruar banorët e zonës se do të sigurohet që të mos ndodhë më kjo histori.
“Të siguroheni i dashur që nuk vazhdon më kjo histori, mos kini merak,” - iu drejtua kreu i qeverisë një banori të Ferrasit.
Ndonëse kjo situatë është përsëritur vit pas viti si në qeverinë Berisha ashtu edhe atë Rama, kryeministri duket se tashmë, ngjashëm me çështjen e kanabisit i ka dhënë zgjidhje këtij problemi.
