Kryetari i Partisë Demokratike, Lulzim Basha deklaroi se në Darzezë, në Fier, hyrja në fshat ishte e pamundur pasi rruga ishte shkatërruar dhe fshati ka mbetur i izoluar.
Në Facebook, ai shkroi se kryebashkiaku i Fierit, Armando Subashi e kishte njohur me situatën dhe masat e marra.
Sipas Bashës, tani që intensiteti i reshjeve ra është emergjente ndihma me ushqime, veshje dhe strehim për zonat e përmbytura.
POSTIMI I LULZIM BASHËS:
Në Darzezë, në Fier, futja në fshat ishte e pamundur. Fshati i përmbytur ishte i izoluar nga shkatërrimi i rrugës. Transporti i banorëve bëhej me varka. Përgëzova ushtarët që po punonin për rivendosjen e lidhjes mes zonës së permbytur dhe pjesës tjetër të Fierit. Kryebashkiaku Armando Subashi më njohu me masat e marra për shpëtimin e njerëzve. Tani që reshjet treditore janë në minimum, është emergjente ndihma me ushqime, veshje dhe strehim për zonat e përmbytura.
