Partia Socialiste duket se ka të gjithë mbështetjen e komunitetit ndërkombëtar për zgjedhjen e një Prokurori të Përgjithshëm të përkohshëm, qoftë edhe me 36 vota. Pas Donald Lu-së, mbështetja i ka ardhur nga Romana Vlahutin.
“Ligji për organizimin dhe funksionimin e prokurorisë parashikon dispozita të qarta transitore – siç konfirmohet nga EURALIUS dhe OPDAT në opinionin e tyre në Kuvend. Ne e ftojmë Kuvendin të procedojë në respekt të plotë të ligjit”- thuhet ne reagimin e Bashkimit Europian.
Dy misionet e asistencës të cilët citon Vllahutin i hapën rrugë zgjedhjes së një prokurori të përkohshëm me shumicë të thjeshtë në parlament.
Opozita nga ana tjetër kërkon respektimin e Kushtetutës, pra ngritjen e Këshillit të Lartë të Prokurorisë që më pas do të emërojë kryeprokurorin. KLP mbahet i bllokuar për shkak se ende nuk është zgjedhur anëtari i 11 nga shoqëria civile.©Lapsi.al
