Supermodelja e Victoria’s Secret, Adriana Lima dhe Rita Ora janë takuar gjatë një mbrëmje në SHBA. Ajo ka publikuar dhe një foto ku shfaqet së bashku me Ricky Martin dhe Ritën, ndërsa nuk i ka kursyer fjalët e mira për dy artistët me të cilët pozoi në krahë. “I takova këta shpirtra të bukur mbrëmë. Unë zakonisht nuk bëj shumë postime, por dua të them se ishte shumë speciale të takoja këta dy muzikantë të talentuar që unë i adhuroj”. “Ishte nder i madh që pata mundësinë t’i takoja”, ka shkruar supermodelja në rrjetin social “Instagram”.
