Zërat se Mbretëresha e Anglisë preferon më shumë nusen e vogël, aktoren Meghan Markle përpara Dukeshës së Kembrixhit, Kate Middleton morën një konfirmim të vogël pasi u mësia se e fejuara e princit Harry do të kalojë Krishtlindjen me familjen mbretërore në Sandringham.
Kjo lëvizje është kundër traditës së ndjekur deri tani pasi Mbretëresha fton në familje vetëm ata që janë pjesë e saj. Kate nuk u ftua në vitin 2010 megjithëse njoftimin e fejesës me princin William e kishte bërë muaj më parë. Mediat shkruajnë në Britani se kjo lëvizje është bërë për të kënaqur princin Harry, por edhe për të dhënë një sinjal se Mbretëresha e ka “me sy të mirë” nusen e re, madje më shumë se ajo e para. ©LAPSI.al 
