Mjaftoi vetëm një shi disaminutësh që qendra e qytetit të Laçit të kthehej në një lumë të rrëmbyeshëm. Shkak u bë një përrua që kalon pranë qytetit. Ai ka dalë nga shtrati dhe ka përmbytur biznese e banesa. Por jo vetëm kaq. Bashkë me to u fut nën ujë edhe investimi disamilionësh në qendër të qytetit i ndërtuar në kuadër të asaj që qeveria i ka vënë emrin “Rilindje Urbane”.
Por, njëlloj si me palmat në autostradë edhe këtu duket se është menduar më shumë për imazhin sesa për përmbajtjen. Miliona lekë të taksapaguesve sërish i mori uji pasi është e qartë që asnjë studim nuk është bërë për ujërat mbitokësore. ©LAPSI.al
