Në reagimin e sotëm pas incidenteve në Kuvend që shoqëruan zgjedhjen e kryeprokurores së re të vendit, Kryeministri Edi Rama sulmoi edhe Presidentin Ilir Meta. Duke i kujtuar shprehjen e tij ‘me qetësi dhe dashuri’, Rama foli për lojë të dyfishtë të Metës gjatë kohës kur opozita protestonte me çadër në bulevard.
“Ishin po këto që sot gjuanin me tymuese, me shishe, me këpucë, me çfarë u kapte dora. Por vetëm se atëhere disa bërtisnin në çadë me të dyja këmbët në këpucën e shqyer prej kundërvënies pa ekuivok të të gjithë partnerëve ndërkombëtarë të Shqipërisë. Disa hidhnin gurin me qetësi dhe fshihnin dorën me dashuri. Derisa i humbën edhe qetësinë, edhe dashurinë edhe tepsinë’, u shpreh Kryeministri.
Sot në Kuvend kryetarja e LSI-së, Monika Kryemadhi është treguar shumë e ashpër me të, madje e qëlloi me këpucë, si dhe lëshoi ndaj tij etiketime të forta.
©LAPSI.al
