Partia Socialiste kërkon ndëshkimin e deputetëve që protestuan në sallën e parlamentit kundër zgjedhjes së kryeprokurores Arta Marku.
Taulant Balla kërkoi mbledhjen e Byrosë së Kuvendit brenda 48 orëve, për perjashtimin me 10 ditë të deputetëve opozitarë, që sipas tij ushtruan dhunë.
“Brenda 48 orëve Byroja duhet të mblidhet për të shqyrtuar kërkesën për të përjashtuar me 10 ditë deputetët që ushtruan dhunë. Detyra e deputetit është liria e fjalës dhe ushtrimit të detyrës”- tha Balla për mediat.
Sipas Ballës, ashtu siç e kishte thënë një ditë më parë, “Rasti i Kryemadhit është i paprecedentë dhe goditja është vepër penale. Ne presim ndjesë nga PD e LSI për situatën e djeshme dhe jemi të shqetësuar për sjelljen e opozitës, pasi fyen shqiptarët”- tha Balla.
