Të tjera detaje dalin nga ngjarja në Palasë të Himarës ku policia tha se një person u plagos me armë zjarri. Sipas njoftimit zyrtar (shih më poshtë) policia tha se është plagosur me armë zjarri 70-vjeçari me iniciale B.G. i cili punon si shofer taksie. Sipas burimeve zyrtare ai është qëlluar me armë në të krahë nga 2 persona të cilët kanë qenë pasagjerë në mjetin e tij.
Por, rreth 60 minuta më pas policia jep një tjetër version për ngjarjen. Sipas njoftimit të dytë, 70-vjeçari është qëlluar me armë imituese zhurmuese dhe ka mbetur i plagosur në krah. Në spital është konstatuar me djegie dhe jo me shenja plumbi. Ai u ka thënë hetuesve se autorët nuk kishin për qëllim ta grabisnin.
